Tutorial 3: For loop and Arrays in C++

السلام عليكم

اليوم بتكلم عن for loop  و مصفوفات Arrays

نبدء مانطول عليكم ~

>>>>>>>>>   Arrays    <<<<<<<<<<

المصفوفات هي عباره عن مجموعه من متغيرات متكرره ولكن كل متغير له قيمه مضاف له

مثلآ أنا دكتور وعندي 200 طالب

و تعب علي اسوي 200 متغير و كل طالب له اسم من متغيرات

يعني بدال مايكون كذا

 الى 200 طالب بيصير زحمه بالكود

نكتب كذا اسهل لنا الامر

و الحين صار كل اسم متغير student له قيمه خاصة

وصار سهل علي اني اكتب كل اسم طالب او رقم طالب بشكل أسرع او أرتب. 

ملاحظة: المصفوفات دائمآ يبدء من الصفر

مثال بالصوره بشكل اوضح :

خليني اشرح كيف الطريقة 
 الى على يمين الارقام تعتبر ارقام المصفوفات زي arr[0] arr[1] 
و الى يسار تعتبر القيمة 
تلاحظون كل متغير له قيمه خاصة 
مثال arr[2] قيمته يكون 202
arr[3] قيمه يكون 7

arr[4] قيمه يكون 19

خليني اشرح لكم ثلاث طرق نقدر نستخدم  Arrays عشان توضح عندكم الفكرة.

اول طريقة

راح تلاحظ اني طلعت متغير على 5 مصفوفات
ولكن بديت من الصفر و كل مصفوف له قيمه خاصة

ملاحظة: تقدر تسويه في string او char
راح اشرح لكم تحت كيف.

طريقة ثانيه

راح تلاحظ اني ماحطيت رقم او الحجم المصفوفات داخل []

بس حطيت القيمة و كل مازاد القيمة زاد الحجم داخل []

يعني كأني حاط [5]ARR
اذا حطيت قيمة زايده
تصير [6]

و الطريقة الاخيره:

تشبه طريقة الثانيه

ولكن لازم نحدد داخل  الحجم  [] ايش رقم تحط
يصير محدد مو زي طريقة الثانيه

مثال

طبعآ لو حطينا قيمة زايده لازم تزود الرقم الى داخل [] ولا مابيقبل معاك

ملاحظة: انت تشوف 4 قيم بسبب المصفوفات يبدء من الصفر دائمآ 🙂

هذا مثال مع طباعه كل مصفوفه خاصة لها

 طبعآ هل هذا كفاية من مصفوفات؟
طبعآ لا لانه لو عندك 200 مصفوفات راح تتعب وانت تكتب كذا

وراح تحتاج شي اسمه For loop  راح اشرح لكم الحين عنها ~

و قبل مانبدء في for loop
خلوني اشرح لكم ايش قصدي لما قلت تقدر تستخدمها في char و string

char
اذا تبي تجمع حروف تصير كلمه

احنا نعرف char هو يقبل احرف فقط

مثلآ

ch = ‘f’
كذا خلينا اسم char  هو f القيمة

بس الاسف مانقدر نضيف اكثر من قيمة
بسبب char يقبل حرف واحد فقط

الا في حال عملنا هكذا

حطيت لها مصفوفات
وقبل معاي  لانه مثل ماشرحت لو ماحطيت اي شي داخل كاحجم او مساحه هذي []

معناه كل زياده قيمه راح يعطيك مساحة زايدة

وتلاحظ لما كتبت cout ماكتبت [] قدام ch

ولكن مع string لازم ضروري

هذا مثال

عطاني output  iam

لاني حطيت 1 و اذا حطيت 0 راح يطلع لي Aziz

خلاص كذا بوقف و نبدء نشرح for loop

>>>>>>>>>   For Loop    <<<<<<<<<<

هذا الاداء يعطيك تكرار لكن بشروط
يعني راح يتكرر لين مايوقف على حسب الشرط

بعطيكم مثال

30 مصفوفه تمام ~ و نحتاج نكتب كل 30 مصفوفه مره وحده من غير كل شوي نعدل بالكود

يعني يطلع للمستخدم انه يدخل 30 بيانات مره وحده

اذا وصل رقم 30 يتوقف loop

هذا مثال بالكود:

هنا انا كتبت loop
اني ابي اعد من 1 الى 9 و اذا صار الشرط يساوي او اكبر من 9 يوقف على طول

و كتبت cout عشان يطلع لي الارقام التصاعديه

هناك 3 انواع الووب

1- For Loop

هذا طريقة كتابته 
for(initialization; condition ; increment/decrement){
code 
}

هنا خطوات for loop

اول شي راح يبدء في المتغير i الى كتبناه فوق

وبعدين الشرط مثلآ 9 اكبر من i  اذا صح يروح داخل لووب ويتعامل مع الكود

ثم يخلص يرجع نفس الحكايه عند الشرط وهكذا لين مايطلع خطأ ويوقف

هذا مثال بالصوره تكون اوضح

اول شي يبدء برقم واحد 1 لانه كتبنا القيمة

ثم يتأكد اذا رقم 1 اصغر من 9 و اذا صحيح يكمل
ويدخل داخل لوب
انا كتبت cout آي انه راح يطبع رقم فقط

ثم يعود يصير رقم 2 بسبب i++ زود الرقم و يشوف اذا 2 اصغر من 9
يدخل داخل لوب ويطبع 2

بعدين يعود يصير رقم 3 وهكذا ليين مايصير 9 اذا يساوي خلاص يوقف اللوب.

وبس هذي طريقة for loop

2- While loop 

هذا نفس خطوات for loop  
 ولكن تختلف الكتابة 

بالبداية كتبنا متغير i و له قيمة

ثم كتبنا للوب

اذا كان i الى هو 1 اصغر من 9 صح ؟
يدخل داخل اللوب و يسوي الكود مثلآ انا كتبت الطباعه i

ويطبع i و ثم i++ يعني زياده يصير 2

نفس طريقة الى فوق بضبط
لين مايوصل يقول 9 اصغر من 9 يقول لا
خلاص يوقف 🙂

3- while do

نفس النوع الثاني لكن عكس

تكتب هذي الطريقة

هنا راح تلاحظ بالبداية do
يعني يبدء الكود على طول

وبعدين الشرط يشوف اذا 1 اصغر من 9 صحيح
يكمل وهكذا لين مايقول 9 اصغر من 9 لا

يوقف اللوب..

طيب ايش العلاقه بين arrays و for loop ؟؟

انك تستخدم array داخل for loop لانه هذا وظيفته

هذا مثال:

انا كتبت اللوب ثنتين وحده يستقبل المدخلات و الثاني المخرجات

لانه المصفوفات راح تكون مخزنه فيه القيم داخل المتغيرات

اول للوب

خليته اليوزر يدخل ارقام 5 مرات لانه عندنا 5 مصفوفات

وبعد مايكتمل العدد
على طول يروح اللوب الى بعده يستخرج لك output  المصفوفات الارقام الى كتبها اليوزر

و سبب اني استخدمت [i] داخل اللوب
لانه كذا كل خطوه او كل مره يمشي المصفوفات  داخل اللوب

يعني اول مصفوف و بعد مايخلص الى بعده 2 وبعدين 3 وهكذا لين مايوصل 5

و سبب الى يمشي i  لاني استخدمت  i++
كل ماينتهي اللوب يزود عدد ويصير 2  وهكذا .

و نفس الشئ مع char and string

هذا فيديو سويته المثال الى قبل بالصوره

المصفوفات مع اللوب عشان توضح الفكره

و كذا انتهينا من الشرح الحمدالله

أذا عندك استفسار او في خطأ كتبته خبرني

وشكرآ للجميع وشكرآ على دعمكم الجميل ~

أن شاءالله اني افدتكم واستفدتو من الشرح 🙂

اشوفكم على خير…