شرح: أنشاء قاعده البيانات عن طريق SQL Live

السلام عليكم الجميع.

أمس شرحت طريقة انشاء قاعده بيانات عن طريق xampp mysql و احنا عرفنا لازم يكون عندنا local host. وايضآ هذا مفيد جدآ في حال انك تبي تعمل موقع و تربط قاعده بيانات مع بعض في جهازك بدون حاجه الى الاستضافة.

بس هالمره راح اشرح انشاء قاعده بيانات فقط عن طريق المتصفح نفسه sql live

بسبب اني حبيت اعمل موضوعين لانه يختلف في نوع data type و عمل قاعده بيانات بمختلف البرامج و في برامج كثيره ولكن لن اشرحها لانه كلها تقريبآ نفس الطريقة انشاء قاعده بيانات.

وماراح اطول عليكم بالشرح فقط مثل مره السابقه و راح اشرح parent و child وكيف تشتغل على الموقع بحيث يسهل عليك لما تجي تبني قاعده بيانات تمام.

المهم نبدء.

بالبداية نروح على موقع sql live مثل موضح بالصوره:

وراح يدخلك على هذا الموقع و اعمل تسجيل دخول في حال لديك حساب.

اذا ماعندك حساب انزل تحت وتلقى كلمة create account و اعمل لك اكاونت و هو مجاني.

بعد دخولك الموقع راح يطلع لك عده خيارات ولكن راح نهتم ثلاث خيارات فقط. الا في حال تريد تستكشف الباقي من نفسك مو مشكلة.

اول خيار: SQL Worksheet

هذا مكان العمل او ساحة العمل بحيث انك تنفذ الاوامر SQL من هنا مثل موضح بالصوره.

الخانة الى تم كتابتها الكود هذي انت تكتب الاكواد فيها

الخانة الى تحتها تشوف النتيجة مثلآ طلعت لي table created او تظهر الأخطاء

لاتنسى بعد عمل الكود ان تضغط على زر RUN باللون الاخضر لكي يعمل معاك..

ثاني خيار: My Session

هنا يعلمك وين وصلت او ايش سويت اثناء شغلك في قاعده بيانات

مثلآ حذف او انشاء او insert او اين كانت ومع النتائج. وايضآ تستطيع عمل rest بحيث تبدء من الصفر من الزر Rest session.

اخر خيار: Schema

بعد انشاء الجدول customer نستطيع نشوف الجدول عن طريق schema

ولما تضغط على الجدول راح يوريك المعلومات keys و الاسماء بالجداول و الخ….

بالغالب تحتاج هذي الطريقة بحيث انك تتأكد اذا الجدول موجود ولالا. لانه بعض الاحيانآ يطلع لك خطأ ويقولك الجدول غير موجود وتروح تشيك عن طريق Schema.


نبدء نعمل أنشاء قاعده بيانات.

نصيحة هامة: لتفادي من فقدان بيانات او معلومات اكتبها في text بالسطح المكتب بجهازك او اي برامج تحرير اخر لانه في عيب واحد بالموقع اذا تركته فتره معينه تنحذف كل البيانات الى كانت فيه.

مثال بالصوره:

مثل ماتلاحظون اني بديت بالمحرر ثم تم نسخ المعلومات الى موقع قاعده بيانات.

للعلم جدول customer موجود سابقآ عشان كذا طلع خطأ الى باللون الاحمر..

المهم تتذكرون اني تكلمت عن parent و child بالجداول المره سابقه او درس السابق؟

طيب خلوني اوريكم جدولين فقط واحد parent الى هو customer

والثاني يكون child الى هو car

create table customer(
custID   int primary key, 
name     varchar(20),
address  varchar(30),
phone    number
);

create table cars(
CarID int primary key, 
type  varchar(30),
year number, 
color varchar(10),
custID int REFERENCES customer
);

تلاحظون معاي في customer لايوجد Foreign key معناه parent

ولكن car يوجد Foreign key تابعه الى جدول customer اي car هو child

طيب افترض اني انا بضيف car اي child بالبداية او كأول جدول عندنا ايش راح يصير؟

تابعو معاي:

بعد ماتأكدنا من Schema ان يكون لايوجد اي جدول موجود

نروح نضيف جدول car و نعمل نجربه.

وتظهر لنا الخطأ باللون الاحمر

ORA-00942: table or view does not exist 

معناه يوجد جدول ناقص او جدول parent غير موجود المقصود هو جدول customer

لهذا السبب ضروري انك تحط الاكواد بشكل مرتب ومتسلسله بحيث تبتعد عن الاخطأ الغريبة مثل هذي.

طيب خلينا نجرب ونحط customer بالبداية خلونا نشوف ايش يصير؟


تم اضافة الجدول بالنجاح و مكتوب tale created

بمعنا parent انضاف بنجاح عندنا الحمدالله .

طيب هل راح يضبط لو اضفنا جدول car الان؟

خلونا نجرب:

الان الحمدالله تم اضافه الجدول child بنجاح الى هو اسمه car

ورحنا تأكدنا الجدول انضاف وكل شي تمام الحين

وبنفس الطريقة لما تجي تضيف جدول الجسر يكون بين جدولين يكون الاولى parent ثم child بحيث تتجنب من المشاكل.

لانه تقدر تضيفهم كلهم مره وحده نسخة ولصق وبدون مايطلع لك اي مشكلة او خطأ بسبب الكود غير مرتب مثلآ.

و هنا بوقف لاني شرحت كل شي عن relationship و اضافتها بالدرس السابق وماينفع اكررها هنا.

اذا انت حاب تطبق الى عملته من درس السابق الى هذا الموقع تقدر تطبق.

اذا عندك سؤال او اي حاجة خبرني واساعدك.

أن شاءالله وضحت الدرس واشوفكم بالدروس الجاية وجديدة بأذن الله..

اشوفكم على خير….