Like (%), Equal (=) in SQL

السلام عليكم الجميع

اليوم راح اشرح طريقة استعلام البيانات و استخدام الشرط مع = equal و % يسمى Like

ولازم تعرف الفرق بينهم لانه كل وحده لها شغل معين ويختلف عن اخر.

  • Equal (=): تعني استعلام المعلومات بشكل مباشر يعني زي ماهو.

مثال لو كتبت كذا:

where name = 'Khalid' 

راح يجيب لي كلمة Khalid مع معلوماته بدون زياده او نقصان.

هذا مثال بالصوره:

مثل ماتلاحظ تم استعلام بأسم خالد وجاب لي هي ومعلوماته بضبط.

لانه لازم تكتب الجملة كاملة بحيث يظهر لك النتيجة

مثلآ لو عندنا King Fahd RD لازم تكتبها كامله بعد يساوي و مايصلح تكون ناقصة وألا لن يظهر لك اي بيانات.


  • Like (%) : تعني أبحث لي كلمة أو حرف تبدء من كلمة\حرف او تنتهي من كلمة\حرف أو مايهم ينتهي او يبدء من. وأيضآ توجد ثلاث طرق نقدر نستخدمها في SQL.

راح أشرح كل طريقه مع امثلة بحيث تصير واضحه الفكرة.

1- street%: أبحث لي اي قيمة تنتهي بكلمة street تمام

مو شرط يكون على row واحد لا. بكل قيم تحت الاعمده address يطلع لي اخر كلمة هي street

الكود راح تنكتب بهذي الطريقة:

select * from customer
where ADDRESS like '%street';

ألان لما كتبت Like ‘%street’ يعني ابحث لي اي كلمة تنتهي بكلمة street

وراح أعمل insert زياده رقم 6 و يكون بالعنوان معكوس بدال مايكون street اخر واحد

بخليه اول واحد ونشوف النتيجة.

هنا مثال بالصوره:

مثل ماتلاحظون عندي ثلاث صفوف وفيها كلمة street تمام

ولكن وحده خليتها معكوسه عشان نشوف هل معلومات بتجيب ثلاثه او ثنتين بس.

والنتيجة طلعت فقط صفين الى فيها كلمة street والى تنتهي بها :).

2- %Mishawaka: تعني ابحث لي كلمة تبدء بكلمة Mishawaka يعني كلمة هذي تكون بالبداية مهم ماكان.

الكود ينكتب كذا:

where address like 'Mishawaka%'

مفترض كلمة Mishawaka تكون بالبداية

مثلآ لو عندي اكثر من كلمة بس هذي بدايتها زي كذا

Mishawaka street RD راح يبحث فقط كلمة Mishawaka لانه يبدء فيها.

مثال بالصوره:

مثل ماتلاحظون جاب لي معلومات الى يبدء بكلمة Mishawaka 🙂

3- %e%: تعني ابحث لي الكلمة او الحرف بس مايهم يكون بالبداية او نهائية او وسط عادي.

الكود ينكتب بهذي طريقة:

where address like '%e%';

مثل موضح يعني انا ابي ابحث عن حرف e مايهم يكون بالبداية او الوسط او نهائيه بس المهم انك تجيب لي 🙂

لما نطبق الكود يطلع لنا هذي النتيجة:

مثل موضح بالصوره لما طبقنا البحث

طلع لنا فقط المعلومات الى تحتوي بحرف e و مايهم وين موضعه وسط او بداية او نهائية بس المهم ان يجيب لي المعلومات تحتوي على حرف e 🙂

هنا انتهينا من الشرح وأن شاءالله يكون شرح بسيط و سهل

اذا عندك استفسار او سؤال اسئلني وراح اجاوب أن شاءالله.

وقريب بأذن الله ارح اعمل لها شرح فيديو .

اشوفكم على خير.