كيفية تقسم الهارديسك وتثبت نظام زي لينكس جانب نظامك ويندوز

السلام عليكم الجميع

هذا المقال بيكون كيفية تقسيم الهارديسك من نظام ويندوز و تعطي مساحة فاضية للنظام اخر الى بيكون جانب ويندوز.

قبل كل شي خذ احتياطاتك يعني اوراق او ملفات المهمه ارفعها بالفلاش او مركز الرفع تبعك بحيث لاتفقد بياناتك بالغلط.

المهم نبدء

نروح نضغط على PC او الكمبيوتر تبعك وأكيد بتلاحظ عندك قسمين من هارديسك C و D ولكن انا عندي E انا سويتها بالوهمي عشان اشرحها لكم.

المهم بشكل أمن واذا D مساحة اكثر راح نختارها ونقسمها عشان نخلي قسم خاص لنظام اخر الى بيكون جنب ويندوز تمام.

لانه C ممكن بالغلط تحذف شي ويروح عليك النظام او يخرب. بالاحسن انك تتركه بحاله. المهم نروح نبدء نقسم بسم الله انا بختار E كأنه D عندك لانه مافيه فرق ابد الان نروح على PC ونختار manage بزر اليمين مثل موضح بالصوره ثم نختار خيار Disk management

مثل ماتلاحظون عندي قسمين وماعليكم من الاقسام باقيه قسم C تبع النظام ونتركه بحاله وقسم E الى يعتبر D عندكم هذا نجيه لو نحذفه بالغلط ماعليه خوف عكس C ويفضل انك تعطي النظام الثاني حول 100 GB الا اذا تبي اكثر براحتك المهم نبدء.

المهم نجي نختار E ثم بالزر اليمين نختار Volume shrank هنا نعطي المساحة الى بنخليها للنظام ثاني انا عندي 55 قيقا للتجربة فقط بعطي المساحة 40 قيقا و هذا المساحة بيكون للينكس الى راح نثبته جانب ويندوز تمام عاد بالنسبه لك عطه رقم كبير لو تبي مثل 100 او اكثر الى يريحك

وهنا نجي نعطي رقم للمساحة جديده انا بخليه 40 وبعدها بيصير 39 قيقا تمام بعد ماقسمنا الهارديسك صار في شي اسمه free space اي مساحة فاضية هذا مكان راح يتثبت في لينكس اما المتبقي من E هو المتبقي عندك انا 13 قيقا مو مشكلة هذي للتجربة 🙂

الان كذا انتهينا من تقسيم و أعمل حرق للنظام الى تريد تركبه بجانب ويندوز

الان باقي الحرق النظام على الفلاش USB و اذا لاتعرف كيف شوف من رابط هنا تم شرحها

https://mrazizblog.com/2020/09/10/rufusbootableusb/

. ثم اعمل ريستارت وخلك جاهز عشان تضغط على Tab او F12 على حسب جهازك ممكن F5 اذا ضغطت على Tab وطلع لك قائمات اختار USB او سيدي عشان تقلع عليه لتثبيت النظام

او تدخل البايوس وتروح boot راح تشوف ترتيبات تبع بووت اذا انت حرقت النظام بالفلاش خل ترتيب فلاش اول واحد مثل موضح بالصوره مثلآ option 1 الى هو اول مايقلع الجهاز بيختاره هو. ملاحظة: بعد مانتهي من تثبيت النظام ارجع بوت ورجعه زي ماكان افضل لك لتنجنب من اي مشكلة

المهم بعد ماتختار يقلع من فلاش راح يجيك زي كذا انك دخلت على لينكس الى انت حرقته 🙂 ملاحظة مهمة: ترى كل توزيعه تختلف طريقة تثبيتها يعني زي لينكس منت يختلف عن اوبنتو تمامآ. بعد ماينتهي ويفتح معاك نجي الى بعدها

أول مايفتح معاك بيجيك زي كذا بضبط بالنسخة اوبنتو في خيارين – تبي تجربه فقط يعني كأنه نسخة حية تضغط على Try Ubuntu – اذا تبي فعلآ تثبت نظام جانب ويندوز اضغط Install Ubuntu المهم نختار ثاني خيار ثم نسكت نكست لين مايجينا خيار طريقة تثبيت

هنا المهم ومهم لازم تركز اذا جاك زي خيار الاول تثبت النظام بجانب ويندوز هذا يعني طريقتك صحيحه. ولاتختار ثاني خيار لانك بتحذف الويندوز بكاملة وتفقد بياناتك 🙂 هذا الشئ مانبيه بعد مانختار اول خيار وركزو زين عشان ماتختارون ثانيه بالغلط هههه ثم نضغط موافق و موافق

الا اذا تبي تعدل تعديل يدوي براحتك وبعدين بيجيك زي كذا تضغط موافق وتحط اسمك وباسورد وتكمل ملاحظة: باسورد ترى بتستخدمه كثيير في اصلاحيات root ولاتنساه 🙂 وبعد كذا خلاص بيثبت معاك وبعد ماينتهي تثبيت ويكون جاهز بيسوي ريستارت للنظام.

بعد مايسوي ريستارت لاتنسى ترجع البوت في بايوس نفس ماكان على الهارديسك.

أذا عندك هارديسك ثاني غير ذا وثبت فيه حط اقلاع اول عليه ليه؟ عشان لما تجي تشغل جهاز بيوقفك عند dual boot الى هو خيارات يقولك تبي ويندوز او لينكس؟ اذا لينكس يوديك لينكس اذا ويندوز يوديك ويندوز.

هذا الصوره الى تكلمت عنه dual boot بتلاحظ اول واحد أوبنتو الى هو لينكس واخر واحد ويندوز10 الى عندك بتطلع لك بعد ماتحط البوت الاقلاع على الهارديسك ترجعه زي ماكان اذا عندك هارديسك ثاني وثبته على هارديسك الثاني حط اقلاع عليه بحيث يطلع لك dual boot.

وكذا انتهينا من موضوع تقسيم الهارديسك

واشوفكم على خير .

لا توجد آراء بشأن "كيفية تقسم الهارديسك وتثبت نظام زي لينكس جانب نظامك ويندوز"

التعليقات مغلقة.