تجربة: هل يتم استرجاع البيانات بعد استخدام اداء DBAN؟ تعال نكتشف

صباح الخير الجميع

اليوم سويت تجربه عملي اني استرجع البيانات بعد فورمات بطريقة عاديه و ايضآ بعد فورمات بالاداء DBAN على الابتوبي القديم. الى مايعرف ايش DBAN هذا هو

https://mrazizblog.com/2020/10/25/%d8%a8%d8%b1%d9%86%d8%a7%d9%85%d8%ac-dban-dariks-boot-and-nuke/

طبعآ قسمت موضوع قسمين أول شي بدون DBAN و ثاني بأستخدام الاداء DBAN #حزب_المبرمجين #تقنية_المعلومات

أول شي بديت اجهز كل شي مثل الاداء و برنامج استرجاع بيانات يكون مرره كويس و ايضآ جهزت فلاشين

فلاش يكون فيه نظام ويندوز 10 مناسب للجهاز طبعآ اخذته من البوت الى سوتها @alraigah ماقصرت والله. لانه جهازي قديم واحتاج شي خفيف عليه 🙂

وثاني فلاش يكون اقلاع تبع DBAN تمام.

أول تجربة:

اني فرمت بطريقة عاديه يعني عند تثبيت الويندوز في خيار تبع قسم الهارديسك و حذفتهم كلهم وبديت من جديد تمام.

لما ثبت الويندوز وأشتغل بشكل سليم حطيت صور وملفات و كل شي للتجربة فقط وايضآ مع الملفات القديمه الى حذفتها بعد 🙂

اقصد الصور والملفات الى تم حذفها هي لازالت موجوده بالهارديسك و مايروح الا بعد ماتكتب عليها عن طريق حفظ الصور او فيديو او اين كان. وبعدين شغلت برنامج اسمه RecoveryMyFile الاستعاده ملفات مفقوده وجاني زي هذا الخيارين و اخترت الى على يمين وضغطت استارت

طبعآ خليته شوي و طلع لي بلاوي الى كان موجوده و ا لي حذفتها و حتى صور و الملفات والاشياء قديمه طلعت الى مانكتبت فوقها بالهارديسك فقط.

يعني حول اكثر من ألفين او 4 الالف نتيجة هنا قلت تمام يعني لو ابيعها لشخص ممكن بكل سهوله يستطيع استرجاع البيانات. هنا انتهت تجربتي ونجي الى بعده 🙂

تجربة ثانيه مع DBAN:

جبت الفلاش الى فيه DBAN جاهز وشغلته وبديت اقلع منه بحيث يمسح لي كل البيانات الى موجوده بالهارديسك تمام

لما بدء معاي واخترت الهارديسك المراد بحذفه و جلس معاي ممكن 6 ساعات يعني طول مرره. هو طبيعي كذا على حسب السرعه. وأكيد مانتظرته يعني رحت انشغل بأشياء ثانيه 🙂

بعد ماأنتهى

جبت فلاش الى فيه Windows 🙂 وثبته طبعآ لما جيت عند قسم الهارديسك صار فاضي مافيه اي شي مثل قبل او طريقة فورمات العاديه.

وثبت الويندوز وخلصت وحملت برنامج استرجاع البيانات تمام. بعد ماثبت البرنامج وشغلته عشان يطلع لي البيانات المفقوده توقعو ايش حصلت؟ وايش النتيجة؟

النتيجة كانت 331 بحث فقط

وكلها عباره عن افتراضية وصور افتراضية. الصور والبلاوي وين راحت؟

اختفت لانه DBAN عمل عليها overwriting اكثر من مره عشان كذا.

يعني الان اصبح الهارديسك سليم وأمن من اي شخص يحاول يسترجع البيانات سواء كان كتابه او صور او فيديوات بس غير مضمونه 100%

هذي تجربتي وممكن يحصل خطأ وتلقى صوره او صورتين بس الامانة فتشت اكثر من مره و مالقيت اي صور من صوري الموجودات بالاول.

يعني لو حاب تبيع جهازك او ترميه او اين كان استخدم DBAN وتقدر تستخدمها بالفلاش ميموري والهارديسك خارجي او اين كان مو شرط يكون هارديسك لوبتوب او PC

لهذا السبب الشركات الى يعملون أعاده تدوير الاجهزه يستخدمون مثل هذي الاداء لحذف بيانات الى كانت موجوده بالهارديسك حتى لو تم حذفها نهائيآ من السلة محذوفات.

وكانت تجربة جميلة واستمتعت بها 🙂

اشوفكم على خير.